Ko e Tātāla'a′

Ko e tātāla'a′'oku 'ikai koe ngata'anga, ka ko e kamata'anga ia 'o e poto fakapotopoto′.

Tu'unga 'o ho'o Faka'apa'apa′

"Ko e tu'unga 'o ho'o faka'ap'apa'i koe′ te ne fakafuo 'a ho'o fili e totonu′ mo e hala′. Ka ko e tu'unga 'o ho'o faka'apa'apa'i e kakai kehe′ te ne fakafuo ho 'ulungaanga′."

Mo'ui'aki e Foaki!

"Oku tau mo'ui mei he me'a 'oku tau ma'u′, ka 'oku tau mo'ui'aki e me'a 'oku tau foaki′!"

Fakatonutonu pe ho Laa′!

"He'ikai te ke lava 'e koe 'o fakatonutonu e matangi′, ko ho'o fakatonutonu pe ho ki'i laa′."

Kalo mei he Fatongia!

"Te tau lava 'o kalo mei hotau ngaahi fatongia′, ka he'ikai te tau lava 'o kalo mei he nunu'a 'o 'etau kalo mei hotau ngaahi fatongia!"

Sivi'anga 'o e 'Ulungaanga!

"Ko e sivi'anga e 'ulungaanga 'o ha fefine pe tangata 'a e me'a ko ee′ 'oku fakatupu'ita ki ai!"

Me'a'ofa 'a 'Ofa Mo'oni!

"Ko e me‘a‘ofa fungani taha ‘a ‘Ofa Mo‘oni′ ko ‘ene malava ke fakatāpui ha taha pē ‘e lave noa ai!"

Faingata'a′ pea mo Koe!

"He‘ikai lava ‘e he faingata‘a 'oku′ ke veipā mo ia′ ‘o laiki koe! Ka te′ ne lava ‘o tala pe ko e tokotaha anga fēfē koe!"

Foaki Masivesiva mo Fiefia!

"‘Oku hulu ‘ānoa ange ‘a e foaki masivesiva mo fiefia′ he foaki hulu mo fakafulofula′!"

Me‘a ‘Oku′ Ke Lava′

"Ko e me‘a ‘oku ke lava ‘o fai′ ‘oku lau′, ka ‘oku ‘ikai ko e lahi ‘a ho‘o ‘ilo!"

Liliu Ho'o Fakaukau?

"‘E anga fēkē ke liliu ho‘o fakakaukau′ ‘o kapau na‘e ‘ikai ke ‘i ai!"

Ko e kau 'A'ahi!

"‘Oku ‘i ai e kau ‘a‘ahi ‘oku′ te fiefia he‘enau fotu mai′. ‘Oku ‘i ai leva e kau ‘a‘ahi ‘oku′ te fiefia ange he‘enau sītu‘a atu′."

Lea 'a e 'Atamai'ia pe ko e Fakapotopoto?

"‘Oku ‘ilo‘i ‘e he tokotaha ‘atamai‘ia′ ‘a e lea ke ne lea‘aki′, ka ‘oku ‘ilo‘i ‘e he tokotaha fakapotopoto′ pe te ne lea‘aki e lea ko ia′ pe ‘ikai!"

Tokotaha Lahi Ange′

"Ko e fefine pe tangata lahi ange′ ‘oku mahino kiate ia ‘a e me’a ‘oku totonu′, ka ko e fefine pe tangata si’i hifo′ ‘oku mahino kiate ia ‘a e me’a ‘oku fakataua′!"

Me'a 'Oku′ Ke Ako!

"Ko e me'a 'oku lau′ 'a e me'a 'oku′ ke ako hili ho'o 'ilo′."

Kātaki'i Ngofua?

"'E ala kātaki'i ngofua ange e felāngaaki 'a e sino′
he veli 'a e loto′!"

Fevahevahe'aki!

"Ka fevahevahe'aki e faingata'a′,
vaeua e mamahi′!
Pea ka fevahevahe'aki leva e mamahi′,
liuliunga e fiefia′!"

Ngata'anga?

"Ko ho'o sio ki he ngata'anga′
'oku 'ikai ko e ngata'anga ia ho'o sio′!"